Latest News
തിരുവനന്തപുരം : കുഞ്ഞിനെ ദത്ത് നല്കിയ കേസില് കക്ഷി ചേര്ക്കണമെന്ന മാതാവ് അനുപമയുടെ അപേക്ഷയില് കുടുംബ കോടതി തിങ്കളാഴ്ച വിശദമായവാദം കേള്ക്കും.കുഞ്ഞിന്റെ പെറ്റമ്മ താനാണെന്ന് തെളിയിക്കാന് ഡി.എന്.എ പരിശോധിക്കണമെന്ന ആവശ്യം അനുപമ കോടതിയില് ഉന്നയിക്കും.
കഴിഞ്ഞ 25ന് കേസ് പരിഗണിച്ച കോടതി പെറ്റമ്മയെന്ന് തെളിയിക്കാന് എന്ത് തെളിവാണുള്ളതെന്ന് അനുപമയോട് ചോദിച്ചിരുന്നു. അപേക്ഷ കോടതി അംഗീകരിച്ചാല് ആന്ധ്ര ദമ്പതികളുടെ കൈവശമുള്ള കുട്ടിയെ വിളിച്ചുവരുത്തി രാജീവ് ഗാന്ധി സെന്റര് ഫോര് ബയോടെക്നോളജിയില് എത്തിച്ച് പരിശോധന നടത്തും.
അതേസമയം നേരത്തെ ശിശുക്ഷേമ സമിതിക്ക് മുന്നില് അനുപമ ഡി.എന്.എ അപേക്ഷ നല്കിയിരുന്നെങ്കിലും മറ്റൊരു കുഞ്ഞിന്റെ ഡി.എന്.എ റിപ്പോര്ട്ടാണ് സമിതി കൈമാറിയത്. കുഞ്ഞിനെ താനറിയാതെ ശിശുക്ഷേമ സമിതി മനഃപൂര്വം ദത്ത് നല്കുകയായിരുന്നുവെന്ന അനുപമയുടെ പരാതിയില് പൊലീസിന്റെ അന്വേഷണ റിപ്പോര്ട്ടും ദത്തിന്റെ നടപടിക്രമങ്ങള് സംബന്ധിച്ച സ്റ്റേറ്റ് അഡോപ്ഷന് റിസോഴ്സ് ഏജന്സിയുടെ (സാറാസ്) റിപ്പോര്ട്ടും സര്ക്കാര് ഇന്ന് കോടതിയില് സമര്പ്പിക്കും.
The post ദത്ത് വിവാദം : കോടതി ഇന്ന് അനുപമയുടെ വാദം കേള്ക്കും first appeared on Keralaonlinenews.from Keralaonlinenews https://ift.tt/3CtbkvD
via IFTTT
No comments