Latest News
തിരുവനന്തപുരം: സംസ്ഥാനത്തെ കോവിഡ് കണക്ക് ആശ്വാസം നല്കുമ്പോഴും മരണനിരക്കില് ആശങ്കയേറുന്നു.കഴിഞ്ഞ ദിവസങ്ങളിലുണ്ടായ 122 മരണങ്ങളാണ് കോവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 25,087 ആയി.
കോവിഡ് ബാധിച്ച് മരിക്കുന്നവരില് രണ്ട് ഡോസ് വാക്സിന് സ്വീകരിച്ചവരുടെ എണ്ണവും കൂടുന്നുണ്ട്. വ്യാഴാഴ്ച 15,914 പേര്ക്ക് കൂടി രോഗം സ്ഥിരീകരിച്ചു. 16,758 പേര് രോഗമുക്തി നേടി. 24 മണിക്കൂറിനിടെ 1,03,871 സാമ്ബിളുകള് പരിശോധിച്ചു.
കേന്ദ്ര സര്ക്കാറിന്റെ പുതുക്കിയ മാനദണ്ഡം കൂടി ബാധകമാക്കുമ്ബോള് കോവിഡ് മരണസംഖ്യ സംസ്ഥാനത്ത് ഇപ്പോഴത്തേതില്നിന്ന് 15000 മുതല് 20000 വരെ കൂടുമെന്നാണ് നിഗമനം. ആരോഗ്യവകുപ്പിെന്റ അന്തിമപട്ടിക വരുേമ്ബാള് 40,000ന് മുകളിലേക്ക് മരണസംഖ്യ ഉയര്ന്നേക്കും.
നിലവില് കാല്ലക്ഷത്തിലധികം മരണങ്ങള് ഒൗദ്യോഗികമായി പ്രഖ്യാപിച്ചിട്ടുണ്ട്. സഹായധനം നല്കും മുമ്ബ് കോവിഡ് ബാധിച്ച് മരിച്ചവരുടെ മൊത്തം പട്ടിക ആരോഗ്യവകുപ്പ് പ്രസിദ്ധീകരിക്കും. സഹായധന വിതരണത്തിന് 200 കോടി രൂപയിലധികം വേണ്ടിവരും. കേന്ദ്രത്തിെന്റ പുതുക്കിയ മാനദണ്ഡപ്രകാരം കോവിഡ് സ്ഥിരീകരിച്ച് 30 ദിവസത്തിനകമുള്ള മരണങ്ങളും രോഗബാധിതരായിരിക്കെയുള്ള ആത്മഹത്യയും കോവിഡ് മരണപ്പട്ടികയില് ഉള്പ്പെടുത്തും.
നേരത്തേയുള്ള പരാതികള് പരിഗണിച്ചപ്പോള് ഏഴായിരത്തിലധികം മരണങ്ങള് കൂട്ടിച്ചേര്ക്കേണ്ടി വന്നിട്ടുണ്ട്. മരണ സ്ഥിരീകരണ സര്ട്ടിഫിക്കറ്റ് ലഭിക്കുന്നതിനും പരാതി സമര്പ്പിക്കുന്നതിനുമായി ഇ- ഹെല്ത്ത് വിഭാഗം ഓണ്ലൈന് സംവിധാനം ഒക്ടോബര് 10ന് നിലവില്വരും.
മരണസര്ട്ടിഫിക്കറ്റിലെ രജിസ്ട്രേഷന് നമ്ബര് ഓണ്ലൈന് അപേക്ഷയില് രേഖപ്പെടുത്തണം. ഓണ്ലൈന് അപേക്ഷ ജില്ലതല അന്വേഷണസമിതി (സി.ഡി.എ.സി) പരിശോധിച്ച് യോഗ്യമായവയില് നിര്ദിഷ്ട മാതൃകയിലുള്ള സര്ട്ടിഫിക്കറ്റ് നല്കും. ജില്ലതല സമിതി ഇക്കാര്യം ജനനമരണ രജിസ്ട്രാറെയും അറിയിക്കും. അപേക്ഷയില് നടപടി സ്വീകരിക്കാന് 30 ദിവസമാണ് സമിതിക്ക് അനുവദിക്കുക.
The post കേരളത്തില് കോവിഡ് മരണം കാല്ലക്ഷം കടന്നു first appeared on Keralaonlinenews.from Keralaonlinenews https://ift.tt/3AZw8tR
via IFTTT
No comments