Latest News
തിരുവനന്തപുരം : സ്വര്‍ണക്കടത്ത് കേസില്‍ കേന്ദ്ര ഏജന്‍സികളെക്കുറിച്ച്‌ തങ്ങള്‍ നേരത്തേ പറഞ്ഞതാണ് ഇപ്പോള്‍ പരിശോധനകള്‍ക്കുശേഷം കോടതി പറഞ്ഞതെന്ന് മുഖ്യമന്ത്രി പിണറായി വിജയന്‍.
സ്വര്‍ണം കടത്തിയതിനെക്കുറിച്ചുള്ള അന്വേഷണം എവിടെയെത്തിയെന്നാണ് ഇപ്പോള്‍ കോടതി ചോദിച്ചിരിക്കുന്നത്. യഥാര്‍ഥത്തില്‍ ആരാണ് സ്വര്‍ണം കടത്തിയത്, എവിടെയാണ് അത് എത്തിയത് എന്നതായിരുന്നു അന്വേഷിക്കേണ്ടത്. ഇൗ രണ്ടുകൂട്ടരെയും കാണാനായിരുന്നില്ല കേന്ദ്ര ഏജന്‍സികള്‍ക്ക് തിരക്ക്.
അതിനുപകരം മറ്റ് പലരെയും നോക്കി പോകാനായിരുന്നു താല്‍പര്യം. അതിന് ചില തല്‍പരകക്ഷികള്‍ വല്ലാതെ തപ്പുകൊട്ടിക്കൊടുത്തപ്പോള്‍ അതിന്‍െറ കൂടെ ചേരാന്‍ അന്വേഷണ ഏജന്‍സികളും തയാറായി.
നമ്മുടേത് പോലുള്ള രാജ്യത്തെ അേന്വഷണ ഏജന്‍സിയുടെ ഏറ്റവും പരിതാപകരമായ അവസ്ഥയാണ് ഇത് കാണിക്കുന്നത്. ഇത്തരത്തില്‍ അന്വേഷണ ഏജന്‍സി അധഃപതിക്കാന്‍ പാടില്ലാത്തതാണ്. ഗൗരവമായി അന്വേഷിച്ച്‌ കണ്ടെത്തേണ്ട കുറ്റകൃത്യമായിരുന്നു.
രാജ്യത്തിന്‍െറ സാമ്ബത്തിക സ്ഥിതിയെ ഏറ്റവും പ്രതികൂലമായി ബാധിക്കുന്ന കാര്യമായിരുന്നു. അതില്‍പോലും അനാവശ്യ സങ്കുചിത താല്‍പര്യം വെച്ചുള്ള ഇടപെടലാണ് നടത്തിയതെന്നും മുഖ്യമന്ത്രി പറഞ്ഞു.
The post സ്വര്‍ണക്കടത്ത്: തങ്ങള്‍ നേരത്തേ പറഞ്ഞതാണ് ഇപ്പോള്‍ കോടതി പറഞ്ഞതെന്ന് മുഖ്യമന്ത്രി first appeared on Keralaonlinenews.from Keralaonlinenews https://ift.tt/3vuAbv1
via IFTTT
No comments