Latest News

എന്‍ഡിഎ സ്ഥാനാര്‍ത്ഥികളുടെ പ്രചാരണത്തിനായി പ്രധാനമന്ത്രി നരേന്ദ്ര മോദി മറ്റന്നാള്‍ വീണ്ടും കേരളത്തിലെത്തും. കോന്നിയിലും തിരുവനന്തപുരത്തും പ്രധാനമന്ത്രി പൊതുയോഗങ്ങളില്‍ പങ്കെടുക്കും.വെള്ളിയാഴ്ച ഉച്ചയോടെ കേരളത്തിലെത്തുന്ന പ്രധാനമന്ത്രി ആദ്യം പങ്കെടുക്കുന്നത് കോന്നി രാജീവ് ഗാന്ധി ഇന്‍ഡോര്‍ സ്റ്റേഡിയത്തിലെ പൊതു പരിപാടിയിലാണ്. ശേഷം കന്യാകുമാരിയിലേക്ക് പോകും. വൈകീട്ട് അഞ്ചു മണിക്ക് തിരുവനന്തപുരത്തെത്തുന്ന പ്രധാനമന്ത്രി കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലെ പൊതുപരിപാടിയില്‍ പങ്കെടുക്കും.

അതേസമയം പ്രധാനമന്ത്രി പങ്കെടുക്കുന്ന പരിപാടികള്‍ക്ക് സംസ്ഥാന സര്‍ക്കാര്‍ മനഃപൂര്‍വം അനുമതി നിഷേധിച്ചുവെന്നാണ് ബിജെപിയുടെ ആരോപണം. തിരുവനന്തപുരത്ത് പരിപാടിക്ക് അനുമതി ചോദിച്ച ഗ്രൗണ്ടുകള്‍ക്ക് അനുമതി നല്‍കാതെ നിഷേധാത്മക നിലപാട് സ്വീകരിച്ചുവെന്നും കുറ്റപ്പെടുത്തല്‍.

കേരളത്തില്‍ തുടരുന്ന പ്രിയങ്ക ഗാന്ധി ഇന്ന് കൊച്ചിയിലും രാഹുല്‍ ഗാന്ധി ഏപ്രില്‍ 3, 4 തിയതികളില്‍ കോഴിക്കോട്, വയനാട് എന്നിവിടങ്ങളിലും പൊതു പരിപാടികളില്‍ പങ്കെടുക്കും. കനയ്യ കുമാര്‍ ഇന്ന് മൂവാറ്റുപുഴ, ഒല്ലൂര്‍ എന്നിവിടങ്ങളിലാകും പങ്കെടുക്കുക. തെരഞ്ഞെടുപ്പ് കലാശക്കൊട്ടിനോട് അനുബന്ധിച്ചു മൂന്നു മുന്നണികളുടെയും കൂടുതല്‍ ദേശീയ നേതാക്കള്‍ കേരളത്തിലെത്തുന്നുണ്ട്.

The post പ്രചാരണത്തിനായി ദേശീയ നേതാക്കള്‍ കേരളത്തില്‍ സജീവം first appeared on Keralaonlinenews.

from Keralaonlinenews https://ift.tt/3w9fCFT
via IFTTT