Latest News
ന്യൂഡല്ഹി : 13 സംസ്ഥാനങ്ങളിലെയും കേന്ദ്രഭരണ പ്രദേശമായ ദാദ്ര- നാഗര്ഹവേലിയിലെയും മൂന്ന് ലോക്സഭ സീറ്റുകളിലേക്കും 29 നിയമസഭ സീറ്റുകളിലേക്കും ഉപതെരഞ്ഞെടുപ്പ് ശനിയാഴ്ച.മതിയായ സുരക്ഷ-കോവിഡ് പ്രതിരോധ നടപടികള് സ്വീകരിച്ചിട്ടുണ്ട്. ഭൂരിപക്ഷം സീറ്റുകളിലും ബി.ജെ.പിയും കോണ്ഗ്രസും തമ്മിലാണ് പ്രധാന പോരാട്ടം.
കോവിഡ് സാഹചര്യത്തില് നാമനിര്ദേശപത്രിക നടപടിക്രമങ്ങള് നിരോധിക്കലടക്കം നിരവധി നിയന്ത്രണങ്ങള് കമീഷന് ഏര്പ്പെടുത്തിയിരുന്നു. ദാദ്ര- നാഗര്ഹവേലി, ഹിമാചലിലെ മാണ്ഡി, മധ്യപ്രദേശിലെ ഖണ്ട്വ ലോക്സഭ സീറ്റുകളിലേക്കാണ് ഉപതെരഞ്ഞെടുപ്പ്. ഇവിടങ്ങളിലെ എം.പിമാര് മരിച്ചതിനെ തുടര്ന്നാണിത്.
അസമിലെ അഞ്ച്, പശ്ചിമബംഗാളിലെ നാല്, മധ്യപ്രദേശ്, ഹിമാചല്പ്രദേശ്, മേഘാലയ എന്നിവിടങ്ങളിലെ മൂന്നുവീതം, ബിഹാര്, കര്ണാടക, രാജസ്ഥാന് എന്നിവിടങ്ങളിലെ രണ്ട് വീതം, ആന്ധ്രപ്രദേശ്, ഹരിയാന, മഹാരാഷ്ട്ര, മിസോറം, നാഗാലാന്ഡ്, തെലങ്കാന എന്നിവിടങ്ങളിലെ ഒന്ന് വീതം നിയമസഭ സീറ്റുകളിലേക്കുമാണ് തെരഞ്ഞെടുപ്പ്. പ്രചാരണം കഴിഞ്ഞ ബുധനാഴ്ച വൈകുന്നേരത്തോടെ അവസാനിച്ചിരുന്നു.
നവംബര് രണ്ടിനാണ് വോട്ടെണ്ണല്. നാഗാലാന്ഡിലെ ഷമേഗാട്ടര് ചെസോര് നിയമസഭാ മണ്ഡലത്തിലേക്കും ഉപതെരഞ്ഞെടുപ്പ് പ്രഖ്യാപിച്ചിരുന്നുവെങ്കിലും നാഷനല് ഡെമോക്രാറ്റിക് പ്രോഗ്രസിവ് പാര്ട്ടി സ്ഥാനാര്ഥിയായ എസ്. കിയോഷു യിംചുങ്കര് എതിരില്ലാതെ ഒക്ടോബര് 13ന് തെരഞ്ഞെടുക്കപ്പെട്ടിരുന്നു.
The post മൂന്ന് ലോക്സഭ, 29 നിയമസഭ മണ്ഡലങ്ങളില് ഉപതെരഞ്ഞെടുപ്പ് ഇന്ന് first appeared on Keralaonlinenews.from Keralaonlinenews https://ift.tt/3EtJQGJ
via IFTTT
No comments