Latest News
തിരുവനന്തപുരം : യു.എ.ഇ കോണ്‍സുലേറ്റിലെ ഉദ്യോഗസ്ഥ എന്ന നിലയില്‍ മാത്രമാണ് സ്വപ്ന സുരേഷിനെ പരിചയമെന്നും തീര്‍ത്തും പ്രഫഷനലായ ബന്ധമാണ് അവരോട് ഉണ്ടായിരുന്നതെന്നും സ്പീക്കര്‍ പി. ശ്രീരാമകൃഷ്ണന്‍. സ്വപ്ന സുരേഷ് ഒരു പവര്‍ ബ്രോക്കറായിരുന്നെന്ന് തിരിച്ചറിയാന്‍ സാധിക്കാതെപോയത് പിഴവാണെന്നും അദ്ദേഹം കൂട്ടിച്ചേര്‍ത്തു.
സ്വപ്നയെ കൂടുതലായി പരിചയപ്പെടുത്തിയത് ശിവശങ്കറാണ്.പരിപാടികളില്‍ പങ്കെടുക്കാന്‍ ക്ഷണിക്കുന്നതൊഴിച്ചാല്‍ സ്വപ്ന എന്തെങ്കിലും സഹായം തന്നില്‍നിന്ന് ആവശ്യപ്പെട്ടിട്ടില്ല.മാത്രമല്ല മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയായി ജോലി ചെയ്യുന്ന ആള്‍ കൂടെയുള്ളപ്പോള്‍ തെന്‍റ സഹായം അവര്‍ക്ക് ആവശ്യമില്ല. കൃത്യമായ ഇന്‍റലിജന്‍സ് വിവരങ്ങളും ഇക്കാര്യത്തില്‍ ലഭിച്ചില്ല. വ്യക്തിപരമായ സൗഹൃദം എന്നതിനെ എങ്ങനെ വിശദീകരിക്കണമെന്ന് അറിയില്ല.
ബന്ധുവാണ് സ്വപ്ന എന്ന് ശിവശങ്കര്‍ ഒരുതവണ പറഞ്ഞത് അവരെ കൂടുതല്‍ വിശ്വസിക്കാന്‍ കാരണമായി. സന്ദീപിനെയും സരിത്തിനെയും പരിചയമില്ല. സന്ദീപിനെ കണ്ടിട്ടുപോലുമില്ല. സരിത്തിനെ ഒരുതവണ സ്വപ്നക്കൊപ്പം കണ്ടെങ്കിലും നേരിട്ട് പരിചയമില്ല.
സ്പീക്കറായി പ്രവര്‍ത്തിച്ച അഞ്ച് വര്‍ഷത്തില്‍ ഏറ്റവും വിഷമം തോന്നിയത് തന്നെക്കുറിച്ച്‌ ഇല്ലാക്കഥകള്‍ മാധ്യമങ്ങള്‍ ആരോപണമായി കൊണ്ടുവന്നപ്പോഴാണ്. സ്പീക്കറായതിനാല്‍ തുറന്ന് പ്രതികരിക്കാനോ തിരിച്ചടിക്കാനോ പറ്റില്ല. നിയമസഭയില്‍ ഉയര്‍ന്ന വിവാദങ്ങളെ പ്രതിരോധിക്കാന്‍ കൂട്ടായ നീക്കം മന്ത്രിമാരുടെ ഇടയില്‍ നിന്നുണ്ടായില്ലെന്നും ശ്രീരാമകൃഷ്ണന്‍ കൂട്ടിച്ചേര്‍ത്തു.
The post സ്വപ്നയെ തിരിച്ചറിയാതെ പോയത് പിഴവ് : സ്പീക്കര്‍ പി. ശ്രീരാമകൃഷ്ണന്‍ first appeared on Keralaonlinenews.from Keralaonlinenews https://ift.tt/3t3qhPk
via IFTTT
No comments